這個食譜是適合家庭式的簡便食譜:
材料:
500g 棉花糖(白色)
2 大湯匙清水(30ml)
1 kg 糖霜(icing sugar )
做法:
1) 將棉花糖加入水,置微波爐加熱1至2分鐘,
2) 直至棉花糖漲大及溶化,取出,用匙拌勻。
3) 慢慢分多次加入已篩過的糖霜(預留一杯糖霜後用),
4) 拌勻直至粉團軟滑。將粉團放工作枱上,
5) 續少加入預留的糖霜搓至幼滑及不沾手,
6) 用保鮮紙包好,放入雪櫃雪一夜,
7) 隔天拿出來置枱上,待它回至室温便可使用。
P.S**:
[剛做好放雪櫃一晚,回軟可以用。
但之後唔可以再入雪櫃,
否則糖皮會受潮而變得痴笠笠。
用完後入密實袋,再入密封盒,]
[有時放耐咗會變硬,硬到搓唔到。
咁可以放微波爐叮幾秒(5秒左右),
佢會變返好軟熟,唔夠軟,再叮多幾秒,就得。]
请问除了微波炉还可以用什么方法叮热 步骤(1)?
回覆刪除請問顏色是用咩色素?油?水?定另一種?
回覆刪除糖皮加色係用色膏(gel paste).
回覆刪除不放雪櫃, 做好的糖皮花便不可以放蛋糕面, 要吃時才加上嗎?
回覆刪除其實糖皮花只適合放不用放雪柜的蛋糕如:糖皮蛋糕和奶油蛋糕。如果想放忌廉蛋糕,只可以即日食用,否則在雪柜第二天糖皮花因為吸了水氣而浴化。
回覆刪除請問如果唔用微波爐加熱,可以用咩代替呢?因家中無微波爐…可以明火加熱or 隔水加熱嗎?謝謝~
回覆刪除可以用明火,放唔痴底嘅煲,中細火不停攪至完全熔哂就得!
刪除我都想知如果無微波爐可以點辦?謝
回覆刪除可以用明火,放唔痴底嘅煲,中細火不停攪至完全熔哂就得!
刪除你好, 如果糖皮要加入"色膏" 請問應該在攪拌時候放?或是在雪櫃拿出待至室溫後加入呢?謝謝你
回覆刪除無所謂,兩樣方法都得,但最好就第二日響雪柜攞咗出黎回溫後先加。
刪除你好, 請問這份量可鋪到一個8" & 一個6" 蛋糕呢? 另外, 黑色糖皮用咩色溝出黎? or 有一枝色係黑色?
回覆刪除如果要包一隻6寸加8寸,要大概1.4kg焗皮。
刪除黑色糖皮:可以加黑色Super Black Gel Paste或者加竹炭粉
蛋糕如即日食用,加忌廉需要放入雪櫃?
回覆刪除糖皮蛋糕係唔會配合忌廉,只會用唔駛放雪柜嘅icing 例如係奶油buttercream.
刪除糖霜是指糖粉還是黏黏的糖霜?(是硬性還是軟性?)
回覆刪除糖霜即係icing sugar, 係幼粉狀,好似生粉咁樣
回覆刪除如要做8寸蛋糕 係米跟以上份量做糖皮就ok?
回覆刪除一隻8"大概需要800g糖皮
刪除即棉花糖及糖霜係幾多?
刪除你好,請問為甚麼我做既糖皮軟林林,整唔到蝴蝶結,求指教,謝謝
回覆刪除水份太多會軟,試下減少水份或者加多些糖霜
刪除你好,請問為甚麼我做既糖皮軟林林,整唔到蝴蝶結,求指教,謝謝
回覆刪除你好,我最近睇到用tylose powdered 可以令糖皮變硬啲,但香港未搵到邊度有得賣,請問你有冇用開tylose powdered 整gum paste ?? 同埋,請問你會唔會知邊度有得買 ?? 謝謝解答^^
回覆刪除Tylose powder又叫CMC powder, 中文叫泰肋粉。係一種好普遍嘅糖皮周邊產品。你去大型焙焙店例如二德惠、諾基山,一定有得賣
刪除請問泰肋粉是什麽時候加入糖皮內呢。謝謝回答 !
回覆刪除糖皮搓好後就可以加入泰肋粉
刪除請問,若加泰肋粉,份量多小呢?謝謝回覆 !
回覆刪除1磅糖皮就加入1.5茶匙泰肋粉
刪除